डीएसपी ठगबहादुर केसीलाई निलम्बन गर्न गृहमन्त्रालयमा सिफारिस
प्रकाशित मिति : 27 December, 2022 2:36 pm
बुटबल । सुन व्यवसायीसँग घुस रकम लिएको आरोप लागेका इलाका प्रहरी कार्यालय बुटवलका डीएसपी ठगबहादुर केसीलाई निलम्बन गर्न सिफारिस गरिएको छ ।
प्रहरी प्रधान कार्यालय नक्सालले उनलाई निलम्बन गर्न गृहमन्त्रालयसमक्ष सिफारिस गरेको प्रहरी प्रवक्ता प्रहरी नायब महानिरीक्षक (डीआइजी) टेकप्रसाद राईले नेपाल प्रेसलाई बताए ।
केसीले ब्यापारीबाट ३५ तोला सुन बरामद गरी मुद्दा प्रक्रिया अघि नबढाई पैसाको बार्गेनिङ गरेको जानकारी पाएपछि उनीमाथि नेपाल प्रहरीको केन्द्रीय अनुसन्धान व्यूरो (सीआईबी)ले अनुसन्धान गरेको थियो ।
सीआईबीको टोलीले आइतबार साँझ केसीलाई निवासबाटै पक्राउ गरेको थियो । केसीको निवासबाट ८ लाख ५० हजार रूपैयाँ, ९ लाख ५० हजार रूपैयाँको खिम जिसीको नाममा रहेको चेक बरामद भएको छ ।
