१६ माघ २०७९, सोमबार

प्रतिनिधि सभा नियमावली मस्यौदा समिति गठन

प्रकाशित मिति :  24 January, 2023 2:02 pm


फाइल फोटो

काठमाडौँ । प्रतिनिधि सभा नियमावली मस्यौदा समिति गठन गरिएको छ ।

प्रतिनिधि सभा बैठकमा समिति गठन प्रस्ताव सर्वसम्मतिले पारित भएको हो ।

२१ सदस्यीय समितिमा सांसदहरू अनिता देवी, डाक्टर अमरेशकुमार सिंह, गंगाधर चौधरी, चित्रबहादुर केसी, जीवन परियार, दिलेन्द्रप्रसाद बडू रहेका छन् ।

त्यस्तै नागिना यादव, प्रकाश ज्वाला, प्रदीप यादव, प्रेम सुवाल, महेशप्रसाद गर्तौला, रमेश लेखक, लिलानाथ श्रेष्ठ, विद्या भट्टराई, शक्तिबहादुर बस्नेत, सर्वेन्द्रनाथ शुक्ला, सीता गुरुङ, सुवाषचन्द्र नेम्वाङ, सोविता गौतम, हीतराज पाण्डे र ज्ञानेन्द्रबहादुर शाही समितिमा रहेका छन् ।

समितिले १५ दिन भित्र सो मस्यौदा तयार पारी प्रतिनिधि सभा बैठकमा पेस गर्ने कार्यादेश दिइएको प्रश्तावका प्रस्ताव सांसद देवेन्द्र पौडेलले जानकारी दिए ।

नेपालको संविधानको धारा १०४ को उपधारा १ बमोजिम प्रतिनिधि सभाले आफ्नो कार्य सञ्चालन गर्न, बैठकको सुव्यवस्था कायम गर्न र समिति गठन, कारबाही र प्रतिनिधि सभा समितिको कार्यविधि नियमित गर्न र प्रतिनिधि सभाको अन्य कार्यमा सहजता ल्याउन आवश्यक भएकाले सो मस्यौदा समिति गठन गरिएको हो ।



प्रतिक्रिया दिनुहोस !