प्रदेश १ अब कोशी प्रदेश, नाम पारित भएको खुसीयालीमा आज सार्वजनिक बिदा
प्रकाशित मिति : 2 March, 2023 7:49 am
विराटनगर । प्रदेश १ को नाम कोशी प्रस्ताव पारित भएको खुसियालीमा आज प्रदेशभर सार्वजनिक विदा दिइएको छ ।मन्त्रिपरिषदको बैठकले फागुन १८ गते बिहीबार प्रदेशभर सार्वजनिक बिदा दिने निर्णय गरेको हो ।
आन्तरिक मामिला तथा कानुन मन्त्रालयले एक सुचना जारी गर्दै प्रदेशभित्रका सबै सरकारी कार्यालय, सार्वजनिक संस्थान, प्रतिष्ठान र शैक्षिक संस्थाहरूमा सार्वजनिक विदा दिइएको जनाएको छ ।
मन्त्रालयले कोशी प्रदेश नामकरण भएको उपलक्ष्यमा प्रदेशका सम्पूर्ण बासिन्दालाई बधाई ज्ञापन गर्दै सार्वजनिक बिदाको घोषणा गरेको हो ।
