लुम्बिनी प्रदेशमा नेकपा (माओवादी केन्द्र) सरकारबाट बाहिरियो
प्रकाशित मिति : 26 March, 2023 1:33 pm
देउखुरी । लुम्बिनी प्रदेशमा नेकपा (माओवादी केन्द्र) सरकारबाट बाहिरिएको छ ।
एमालेले नेतृत्वको सरकारमा सहभागी माओवादी केन्द्रका तीन मन्त्रीले राजिनामा दिएका हुन् ।
लुम्बिनी प्रदेश सरकारमा माओवादीबाट जोखबहादुर महरा, इन्द्रजित चौधरी र कृष्णा केसी सरकारमा सहभागी थिए ।
केन्द्रमा एमालेसँग गठबन्धन भत्किएसँगै लुम्बिनीमा माओवादी केन्द्रले सरकार छोडेको हो । माओवादी केन्द्र सरकारबाट बाहिरिएसँगै एमालेबाट मुख्यमन्त्री बनेका लिला गिरी अल्पमतमा परेका छन् ।
लुम्बिनीमा अब नेपाली कांग्रेस वा माओवादी केन्द्रले सरकारको नेतृत्व गर्ने छ ।
