रोल्पा प्रदेश सभा (क)मा उम्मेदवार बनेका महराको चुनावी खर्च रू. १० लाख ८६ हजार
प्रकाशित मिति : 25 April, 2023 4:16 pm
काठमाडौँ । गत मङ्सिरमा भएको चुनावमा रोल्पा प्रदेश सभा (क)मा उम्मेदवार बनेका जोखबहादुर महराले चुनावका क्रममा १० लाख ८६ हजार रुपैयाँ खर्च भएको विवरण पेश गरेका छन् ।
उनले पेश गरेको चुनावी खर्च विवरणमा सबैभन्दा बढी खर्च सवारी साधनमा ५ लाख ५० हजार भएको छ ।
त्यस्तै प्रचार प्रसारमा १ लाख ६५ हजार, गोष्ठी कार्यकर्ता परिचालनमा १ लाख ८० हजार, कार्यालय सञ्चालनमा २ लाख ५० हजार गरी १० लाख ८६ हजार ५ सय रुपैयाँ खर्च भएको विवरणमा उल्लेख छ । महरा चुनावमा विजयी भएका थिए ।
