स्याङ्जामा सुन्तला शित भण्डारको क्षमता वृद्धि गर्न सांसद थापाको माग
स्याङ्जा । नेपाली कांग्रेसका सांसद राजु थापाले स्याङ्जा जिल्लामा रहेका सुन्तला शितभण्डारको क्षमता वृद्धि गर्न र दक्ष जनशक्ति बढाउनको लागि माग गरेका छन् ।
बुधबार प्रतिनिधि सभाको शून्य समयमा बोल्दै सांसद थापाले स्याङ्जाका विभिन्र पालिकाबाट यस वर्ष डेढ अर्बको सुन्तला निर्यात गरेको बताउँदै शितभण्डार र दक्ष जनशक्ति अभाव हुदाँ किसानका सुन्तला कुहिएको पनि बताएका हुन् ।
थापाले ‘आन्तिरक पर्यटकलाई प्रवधन गर्ने र गाउँलाई आत्मनिर्भर बनाउने’ नारा सहित २६ वर्ष अघि स्याङ्जाको आँधिखोला गाउँपालिका वडा नम्बर १ दराैसिरबारीलाई दक्षिण एशियाकै पहिलो होमस्टे गाउँ संचालन भएको बताएका छन् । उनले भने, “आज नेपालभरि करिब दर्ता भएको ६ हजार होमस्टे छ भने संचालनमा १४ सय रहेको छन् । त्यसकारण दरौसिरबारीलाई सरकारले देशभरकाे होमस्टे अध्ययनको रूपमा अघि बढाउनु पर्छ ।”
थापाले पर्यटक क्षेत्रलाई प्रवर्धन गर्दा मात्र मुलुकको आर्थिक विकास हुने बताएका छन् ।
