चीनमा ४ महिना लामो उपचारपछि स्वदेश फर्किए नेता वर्षमान पुन
प्रकाशित मिति : 16 June, 2023 12:16 pm
काठमाडौं । नेकपा (माओवादी केन्द्र)का नेता वर्षमान पुन स्वास्थ्योपचार गरी स्वदेश फर्किएका छन् ।
त्रिभुवन अन्तर्राष्ट्रिय विमानस्थलमा उनलाई उप्रधान तथा गृहमन्त्री नारायणकाजी श्रेष्ठ,र संघीय मामिला मन्त्री अमनलाल मोदीसहित नेता तथा कार्यकर्ताले स्वागत गरेका थिए ।
चीनमा ४ महिना लामो स्वास्थ्य उपचारपछि पुन पत्नी तथा पूर्वसभामुख ओनसरी घर्तीसहित काठमाडौंस्थित अन्तर्राष्ट्रिय विमानस्थलमा अवतरण गरेका हुन् ।
पूर्व अर्थ तथा ऊर्जामन्त्रीसमेत रहेका नेता पुन जटिल प्रकारको क्रिकलर नाजार टाइप टु सिन्ड्रोम नामक दुर्लभ वंशाणुगत जन्डिस बल्झिएपछि उपचारका लागि गत १ फागुनमा चीन गएका थिए । उनको चीनको सेनजेनस्थित थर्ड पिपुल्स अस्पतालमा उपचार गरिएको हो ।
