संघीय सरकारको मन्त्रालयगत बजेटमा लुम्बिनी प्रदेशको ठाँउमा प्रदेश ५ लेखिएपछि संसद बैठक स्थगित
प्रकाशित मिति : 20 June, 2023 12:31 pm
काठमाडौँ । संघीय सरकारका विभिन्न मन्त्रालयगत बजेटमा लुम्बिनी प्रदेशको ठाँउमा प्रदेश ५ लेखिए पछि सांसदहरूले विरोध जनाएका छन् ।
सांसद सूर्य थापा,रघुजी पन्त लगायतका सांसदले विरोध जनाएपछि प्रतिनिधि सभाको बैठक १५ मिनेटका लागि भन्दै स्थगित भएको छ ।
सांसद सूर्य थापाले संस्कृति पर्यटन तथा नागरिक उड्ययन मन्त्रालयको बजेट शिर्षकमा ठाउँ ठाउँमा लुम्बिनी प्रदेशको ठाउँमा प्रदेश ५ लेखिएको भन्दै विरोध जनाएका थिए ।
उनले यो नाम संविधानले नचिन्ने भन्दै सच्याउन माग गरेका थिए । सांसद रघुजी पन्तले पनि शहरी विकास मन्त्रालयको बजेटका शिर्षका विभिन्न ठाउँमा लुम्बिनीको ठाउँमा प्रदेश ५ लेखिएको भन्दै विरोध जनाए ।
अन्य सांसदले पनि विरोध जनाएपछि बैठक स्थगित भएको हो ।
