राजकीय सम्मानका साथ संविधानसभा अध्यक्ष सुवास नेम्वाङको अन्त्येष्टि गरिने
प्रकाशित मिति : 12 September, 2023 11:13 am
काठमाडौँ । सरकारले राजकीय सम्मानका साथ संविधानसभा अध्यक्ष सुवास नेम्वाङको अन्त्येष्टि गर्ने निर्णय गरेको छ ।
आज बसेको मन्त्रिपरिषद् बैठकले राष्ट्रिय सम्मानका साथ नेम्वाङको अन्त्येष्टि गर्ने निर्णय गरेको हो ।
उनको अन्त्येष्टिको दिन सार्वजनिक बिदा दिने निर्णयसमेत सरकारले गरेको छ ।
छोराहरू विदेशबाट आउँदै गरेको र जुनदिनमा अन्त्यष्टि हुन्छ सोही दिन सार्वजनिक विदा दिने निर्णय भएको संस्कृति पर्यटन तथा नागरिक उड्डयन मन्त्री सुदन किराँतीले जानकारी दिए ।
नेम्वाङका छोराहरू विदेश भएकाले उनीहरु फर्किएपछि मात्र अन्त्येष्टि गरिने छ ।
