विप्लव नेतृत्व नेकपाका पूर्व केन्द्रीय सदस्य सुनार पक्राउ
सुर्खेत, १८ वैशाख ।
विप्लव नेतृत्वको नेपाल कम्युनिष्ट पार्टीका पूर्व केन्द्रीय सदस्य बालाराम सुनारलाई प्रहरीले पक्राउ गरेको छ ।
लकडाउनको समयमा सुर्खेतको वीरेन्द्रनगर नगरपालिका–४ मा रहेको आफ्नै घरमा होम क्वारेन्टाइनमा बसिरहेका सुनारलाई प्रहरीले पक्राउ गरेको हो नेकपाले जनाएको छ ।
नेपाल कम्युनिष्ट पार्टी भेरी कणार्ली ब्यूरोले आजै एक प्रेस विज्ञप्ति जारी गरि गर्दै विनाकारण सुनारलाई प्रहरीले पक्राउ गरेको भन्दै अपत्ति जनाएको छ ।
पार्टीका भेरी कर्णाली ब्यूरो इन्चार्ज रवीले जारी गरेको विज्ञप्तिमा भ्रष्टाचार, कमिसन र राष्ट्रघात चुर्लम्म डुबेको, पद र पैसाका चरम संकटसहित आन्तरिक द्वन्द्वको भुमरीमा फसेको ओली नेतृत्वको सरकारले देशभक्त, जनवादी, परिवर्तन शक्तिहरुलाई हदैसम्मको तानाशाही दमनशैली अख्तियार गरिरहेको आरोप लगाएका छन् ।
भेरी कर्णाली ब्यूरोले पूर्व केन्द्रीय सुनारलाई यथाशीघ्र रिहाइको माग गरेको छ ।
