उत्तर कोरियाली नेता किम २० दिनपछि सार्वजनिक कार्यक्रममा देखिए
एजेन्सी,२० वैशाख ।
उत्तर कोरियाका सर्वोच्च नेता किम जोङ उन २० दिनपछि सार्वजनिक रुपमा देखिएका छन् ।
उनको स्वास्थ्यलाई लिएर अनेक अडकलबाजी भईरहेका बेला किम सार्वजनिक कार्यक्रममा सहभागि भएको उत्तर कोरियाका मिडियाले सार्वजनिक गरेका छन् ।
उनको मृत्यु भएकोसम्म हल्ला फैलिएको थियो । केसीएनए सामाचार संस्थाका अनुसार किम एक फ्याक्ट्रिको उद्घाटन कार्यक्रममा सहभागि भएका छन् ।
कार्यक्रममा किम आफ्ना बहिनी तथा अन्य वरिष्ठ अधिकारीहरुकाकाथ कार्यक्रममा सहभागि भएका थिए ।
अप्रिल १५ मा उनको हजुरबुवाको जन्मोत्वस कार्यक्रममा सहभागि नभएपछि अनेक आशंका उठन सुरु गरेको थियो ।
उनी अप्रिल ११ मा पार्टीको पोलिटब्यूरो बैठकपछि अन्य कुनै सार्वजनिक कार्यक्रममा सहभागि भएका थिएनन् । किमको मुटुको सर्जरी गरेपछि उनको स्वास्थ्य अवस्था गम्भीर बनेको तथा मृत्यु भएको समाचारहरु सार्वजनिक भएका थिए ।
तर त्यसलाई गलत सावित गर्दै गत बुधबार पार्टी कमिटी तथा सरकारी अधिकारीहरुलाई हस्तलिखित निर्देशन जारी गरेका थिए । तर विगतका भन्दा निर्देशनहरु फरक रहेको भन्दै आशंका यथावत थियो ।
उनी सार्वजनिक कार्यक्रममै सहभागि भएको फोटो सार्वजनिक भएपछि उनबारे फैलिएका हल्ला गलत पुष्टि भएको छ ।
उत्तर कोरियाको सरकारी समाचार संस्था कारियन सेन्ट्रल न्यूज एजेन्सीले सार्वजनिक गरेको नेता किमको तस्विर
