‘तीन तहको सरकारको विधायकी अधिकारहरू व्यवस्थित गर्न किन अलमल ?’
प्रकाशित मिति : 29 January, 2024 11:07 am
काठमाडौँ । गाउँपालिका राष्ट्रिय महासंघकी अध्यक्ष लक्ष्मीदेवी पाण्डेले तीन तहका सरकारबिचमा रहेका साझा अधिकारका बारेमा छलफल नहुनु दुःखको कुरा भएको बताएकी छन् ।
सोमबार सिंहदरबारमा बसेको कानून, न्याय तथा संसदीय मामिला समितिको बैठकमा बोल्दै उनले यस्तो बताएकी हुन् । उनले तीन तहको सरकारको विधायकी अधिकारहरू व्यवस्थित गर्नको लागि किन अझै ढिलो र अलमल भइरहेको हो ? भन्दै प्रश्न समेत गरिन् । उनले तीन तहको सरकारका अनुसूचिहरू फरक फरक रहेको र एकल अधिकारहरू सबैका अनुसूचिमा खुलेको भएपनि काम हुन कठिन भइरहेको बताइन् ।
उनले कार्यविस्तृतिकरण परिमार्जनको प्रक्रिया धेरै अघि बढीसकेको बताउँदै समितिले सो बारेमा पनि ध्यान दिन आवश्यक रहेको बताइन् ।