यो अवधिवेशन बढीभन्दा बढी विधेयकहरू पारित गर्नमा केन्द्रित हुन्छः प्रधानमन्त्री दाहाल
प्रकाशित मिति : 5 February, 2024 6:06 pm
काठमाडौँ । प्रधानमन्त्री पुष्पकमल दाहालले संघीय संसदको चालु अधिवेशन बढीभन्दा बढी विधेयकहरू पारित गर्ने कुरामा केन्द्रित हुने बताएका छन् ।
सोमवार प्रतिनिधि सभाको बैठकपछि सञ्चारकर्मीहरूलाई संक्षिप्त प्रतिक्रिया दिँदै प्रधानमन्त्री दाहालले संसदको चालु अधिवेशनमा बढीभन्दा बढी विधेयकहरू ल्याउने र पारित गर्ने कुरामा केन्द्रित हुने बताएका हुन् ।
उनले संसद अधिवेशनको शुरुवात राम्रो वातावरणमा सुरू भएको प्रतिक्रिया दिए । उनले भने, “यो अधिवेशन विधेयक अधिवेशन हो । बढीभन्दा बढी विधेयकहरू ल्याउने र पारित गर्ने कुरामा केन्द्रित छ । आज राम्रो वातावरणमा सुरू भएको छ । अब अगाडी बढ्छ ।”
संघीय संसदको दुवै सदनको अधिवेशन आज (सोमवार) देखि सुरू भएको छ ।
