१२ बैशाख २०८१, बुधबार

ऊर्जा संक्रमणबारे छलफल गर्न इजिप्टमा अन्तर्राष्ट्रिय सम्मेलन

प्रकाशित मिति :  20 February, 2024 2:26 pm


काठमाडौँ । ऊर्जा संक्रमणका चुनौति र अवसरहरूबारे छलफल गर्न सोमवारदेखि इजिप्टमा अन्तर्राष्ट्रिय ऊर्जा सम्मेलन सुरू भएको छ ।

इजिप्ट इनर्जी शो फेब्रुअरी २१ सम्म चल्नेछ । यसको उद्देश्य तेल, ग्यास र ऊर्जा क्षेत्रहरूमा नवीनतम प्रविधिहरू र आविष्कारहरू प्रदर्शन गर्ने रहेको बताइएको छ ।

इजिप्टका राष्ट्रपति अब्देल–फत्ताह अल–सिसीले सम्मेलनमा भाग लिने सयौं विशेषज्ञ र अधिकारीहरूलाई स्वागत गरे । कार्यक्रमले उच्च लागत र लगानीको साथ टेक्नोलोजीलाई हेरेको बताए ।

इजिप्टका पेट्रोलियम मन्त्री तारेक एल–मोल्लाले विश्वले दिगो विकासको भविष्यलाई खतरामा पार्ने गम्भीर जलवायु परिवर्तनको खतराको सामना गरिरहेको बेला सम्मेलन आयोजना गरिएको बताए ।

उनले हाइड्रोजन र स्वच्छ ऊर्जा स्रोतहरू प्रयोग गर्ने विश्वव्यापी प्रवृत्तिप्रति इजिप्टको प्रतिवद्धतालाई जोड दिँदै इजिप्ट २०२४ ले ऊर्जा क्षेत्र र यसमा संलग्न मानव संसाधनको लागि राम्रो भविष्य बनाउन मद्दत गर्ने बताए । उनले अन्तर्राष्ट्रिय संस्थाहरूसँगको सहकार्यमा निष्पक्ष र सुरक्षित ऊर्जा संक्रमण हासिल गर्न अफ्रिकी देशहरूलाई थप सहायता र सफ्ट फाइनान्सिङका लागि आग्रह पनि गरे ।

सम्मेलनमा ऊर्जा सुरक्षा, डिकार्बोनाइजेशन, डिजिटलाइजेसन, इनोभेसन, लगानी र मानव पुँजीलगायत छवटा मुख्य विषयहरू समेट्ने गरी ८० भन्दा बढी सत्र र ३०० वक्ताहरू सहभागी हुनेछन् ।



प्रतिक्रिया दिनुहोस !