गण्डकीमा खगराज अधिकारीले गरे मुख्यमन्त्रीमा दाबी पेस
प्रकाशित मिति : 7 April, 2024 11:48 am
![](https://i0.wp.com/www.lumbinisanchar.com/wp-content/uploads/2024/04/434466098_285009804646814_7162669671121196751_n_P2wn1qGvE6.jpg?fit=1920%2C1080&ssl=1)
काठमाडौँ । गण्डकी प्रदेशको मुख्यमन्त्रीमा नेकपा एमाले संसदीय दलका नेता खगराज अधिकारीले दाबी पेस गरेका छन् । अधिकारीले आज (आइतबार) प्रदेश प्रमुख डिल्लीराज भट्टसमक्ष माओवादी र स्वतन्त्र सांसद राजीव गुरुङ (दीपक मनाङे) सहितको समर्थनमा मुख्यमन्त्रीमा दाबी पेस गरेका हुन् ।
नेकपा एमालेका २२, माओवादी केन्द्रका ८ र स्वतन्त्र १ गरी ३१ जनाको समर्थनसहित अधिकारीले मुख्यमन्त्रीमा दाबी पेस गरेका हुन् ।
गण्डकीका मुख्यमन्त्री सुरेन्द्रराज पाण्डेले राजीनामा दिएपछि प्रदेश प्रमुख डिल्लीराज भट्टले संविधानको धारा १६८ (२) अनुसार यही चैत २७ गते ३ बजेभित्र दाबी पेस गर्ने समय दिएका थिए ।