रुपन्देहीमा कोरोना संक्रमणबाहेक अन्य स्वास्थ्य समस्या नरहेका दुई जनाको मृत्यु
रुपन्देही,२० भदौ ।
रुपन्देहीको कोरोना विशेष आइसोलेसन अस्पतालमा थप दुईजना कोरोना संक्रमितको मृत्यु भएको छ।
आइसोलेसनमा नवलपरासीकी एक महिला र बुटवलका एक पुरुषको मृत्यु भएको हो। अस्पतालका कोरोना फोकल पर्सन डा. सुदर्शन थापाले पश्चिम नवलपरासीको प्रतापपुर गाउँपालिका वडा नं. २ की ३७ वर्षीय महिला र बुटवल उपमहानगरपालिका वडा नं. ११ का ४० वर्षीय पुरुषको मृत्यु भएको जानकारी दिएका छन् ।
कोरोना संक्रमण पुष्टि भएपछि भदौ १७ गते आइसोलेसनमा भर्ना भएकी महिला र बुटवल उपमहानगरपालिका ११ का ४० वर्षीय पुरुषको मृत्यु भएको हो। उनी भदौ १५ गतेदेखि अस्पतालमा भर्ना भएका थिए ।
पुरुषको राति सवा ११ बजे र महिलाको आज विहान ६ बजे निधन भएको अस्पतालले जनाएको छ । दुबै जनामा कोरोनाबाहेकका अन्य स्वास्थ्य समस्या नदेखिएको फोकल पर्सन डा. थापाले जानकारी दिए ।
कोरोना संक्रमणबाहेक अरू कुनै स्वास्थ्य समस्या नदेखिएको भएपनि शनिबार बिहान ६ बजे महिलाको मृत्यु भएको डा. थापाले जानकारी दिए।
