पहिरोका कारण मुग्लिन–नौबिसे सडक अवरुद्ध
प्रकाशित मिति : 7 September, 2021 8:23 am
काठमाडौं । पहिरोका कारण मुग्लिन–नौबिसे सडक अवरुद्ध भएको छ । पृथ्वीराजमार्गअन्तर्गत धादिङको बेनीघाट रोराङ गाउँपालिका–१० जोगीमारामा बिहान ६ बजेतिर सडकमाथिबाट पहिरो खसेर राजमार्ग दुइतर्फी अवरुद्ध भएको हो ।
पहिरो हटाउनका लागि फिस्लिङबाट सडक विभागको मेसिनसहित टोली पहिरोस्थलतर्फ गएको सडक विभागका सुपरभाइजर हरि घिमिरेले जानकारी दिए ।
पहिरो ठूलो खसेकाले सडक खुलाउनका लागि समय लाग्ने उनको भनाई छ ।
