फ्रान्सका कप्तान लोरिसले लिए अन्तराष्ट्रिय फुटबलबाट सन्यास
प्रकाशित मिति : 10 January, 2023 12:01 pm
काठमाडौं । फ्रान्सका कप्तान तथा गोलकिपर ह्युगो लोरिसले अन्तराष्ट्रिय फुटबलबाट सन्यास घोषणा गरेका छन् ।
२१ वर्षको उमेरमा डेब्यु गरेका लोरिसले ३६ वर्षको उमेरमा अन्तराष्ट्रिय फुटबलबाट सन्यास लिएका हुन् ।
टोटेनहमका गोलकिपर समेत रहेका लोरिसले सामाजिक सञ्जालमा लेखेका छन्, ‘मैले अन्तराष्ट्रिय फुटबलबाट सन्यास लिने निर्णय गरेको छु।’
सन् २००८ मा उरुग्वेविरुद्ध डेब्यु गरेका लोरिसले फ्रान्सका लागि १ सय ४५ खेल खेलेका छन् ।
लोरिसको कप्तानीमा फ्रान्सले २०१८ को विश्वकप फुटबलको उपाधि जितेको थियो ।
