चारदेशीय ह्विलचेयर क्रिकेटको सेमिफाईनलमा नेपाल भारतसँग ८ विकेटले पराजित
काठमाडौँ । भारतको गुजरात अवस्थित प्रतापनगर पुलिस हेडक्वाटर ग्राउण्ड , बधौरामा सम्पन्न चारदेशीय ह्विलचेयर टुर्नामेन्टको सेमिफाईनलमा भारतीय ह्विलचियर टिमले नेपाली ह्विलचियर टिमलाई ८ विकेटले पराजित गरेको छ ।
टस जितेर पहिले ब्याटिङ गरेको नेपाली टोलीले निर्धारित १५ ओभरको खेलमा ७ विकेट गुमाउदै ९४ रनको योगफल तयार गरेको थियो । जबाफमा ९५ रनको बिजयी लक्ष्य लिएर ब्याटिङमा आएको भारतीय टिमले १२.१ ओभर ब्याटिङ गर्दै २ विकेटले क्षतिमा जित पारेको छ ।
नेपालको लागि सागर पाण्डेले २२ तथा राजुले २० रनको योगदान गरेका थिए अन्य ब्याटरहरू दोहोरो स्कोर बनाउन पनि सकेनन । नेपाललाई कम स्कोरमै समेट्ने क्रममा भारतका बलर मोहन तिवारी तथा शंकर अन्वरले २/२ विकेट लिएका थिए , भरत तथा तुलसी खुशवाहले समान १/१ हात पारे ।
भारतको तर्फबाट ब्याटिङमा आएका मुकेश योगीले आउट हुनुपुर्व ३६ रनको योगदान दिदै बिजयीको आधार तय गरेका थिए तथा अमित बिन्द्राले २७ रनमा नट आउट रहदै टोलीलाई बिजयी दिलाएका थिए । नेपालको लागि दिगम सिंहले २ विकेट लिएका थिए ।