भारतमा भारी वर्षाले जनजीवन प्रभावित
प्रकाशित मिति : 10 July, 2023 7:48 am
![](https://i0.wp.com/www.lumbinisanchar.com/wp-content/uploads/2023/07/screenshot_2023-07-09_161214-sixteen_nine.webp?fit=1200%2C675&ssl=1)
काठमाडौँ । भारतमा भारी वर्षाले जनजीवन प्रभावित भएको छ । लगातार दुई दिनसम्म भारी वर्षाको कारण दिल्ली एनसीआर र पश्चिमी उत्तर प्रदेशमा विद्यालयहरु बन्द गर्न आदेश दिएको छ।
गाजियाबाद, बागपत, मेरठ, शामली, मुजफ्फरनगरका जिल्ला मजिस्ट्रेटले कन्वर यात्रा र भारी वर्षाका कारण जुलाई १० देखि जुलाई १५ सम्म सबै विद्यालयहरूमा बिदाको घोषणा गरेका छन्।
उत्तर प्रदेशका धेरै जिल्लाहरूमा वर्षाको सन्दर्भमा पहेँलो चेतावनी जारी गरिएको छ । पश्चिमी उत्तर प्रदेशमा केही दिनदेखि लगातार वर्षा भइरहेको छ । सोमबार पनि राज्यमा भारी वर्षाको सम्भावना रहेको छ ।
राजधानी नयाँदिल्लीमा पछिल्लो १२ घण्टामा १२६ मिलिमिटरसम्म वर्षा भएको रेकर्ड रहेको सञ्चार माध्यमहरुले उल्लेख गरेका छन् । यमुना नदीको बाढी खतराको तहसम्म पुगेपछि नदी आसपासका बासिन्दालाई सतर्क रहन सूचना जारी गरिएको छ ।