एक रनले नेपाल पराजित, सुपर ८ को सम्भावना सकियो
प्रकाशित मिति : 15 June, 2024 8:40 am
काठमाडौँ। टी–२० विश्वकपमा नेपाल दक्षिण अफ्रिकासँग एक रनले पराजित भएको छ ।
पहिलो बलिङ गरेको नेपालले १ सय १६ रनको लक्ष्य पाएको थियो । तर २० ओभरमा ७ विकेटको क्षतिमा १ सय १४ रन बनाउन सफल भयो नेपाल ।
यससँगै सुपर ८ मा पुग्ने सम्भावना सकिएको छ अर्थात् नेपालले विश्वकपमा इतिहास रच्ने अबसर गुमाएको छ ।
नेपालका लागि आसिफ शेखले सर्वाधिक ४२ रन गरे भने अनिल साहले २४ बलमा २७ रनको योगदान गरेका छन् ।
प्रतियोगितामा दक्षिण अफ्रिकाको लगातार चौथो जित हो । नेपालले भने तेस्रो खेलमा दोस्रो हार हो ।
खेलमा सन्दीप लामिछानेले ४ ओभर बलिङ गर्दै मात्र १८ रन खर्चिए भने विकेट लिएनन् ।
