काभा भलिबलमा लिगमा भारतमाथि नेपालको ऐतिहासिक जित

काठमाडौँ । काभा वुमन्स नेसन्स भलिबल लिगअन्तर्गतको खेलमा नेपालले भारतमाथि ऐतिहासिक जित हासिल गरेको छ ।

काठमाडौँमा जारी खेलमा ३–२ को सोझो सेटमा नेपालले भारतलाई पराजित गरेको हो ।

नेपाली महिला भलिबल टिमले पहिलोपटक भारतलाई पराजित गरेको हो । जितपछि नेपालले २ अंक हासिल गरेको छ, भने भारतले एक अंक हासिल गरेको छ । नेपालले २ खेलमा ५ अंक हासिल गर्दा भारतले ३ खेलमा ७ अंक हासिल गरेको छ ।

यसअघि बिहीबार भएको उद्घाटन खेलमा नेपालले श्रीलंकालाई ३–० को सोझो सेटमा पराजित गरेर प्रतियोगीतामा विजयी सुरुवात गरेको थियो । शनिबारको खेलपछि नेपालले आफ्नो तेस्रो खेल आइतबार साँझ ५ः१५ बजे इरानसँग खेल्ने छ । नेपालले आफ्नो लिग चरणको अन्तिम खेल सोमबार ५ः १५ बजे माल्दिभ्सविरुद्ध खेल्ने तालिका रहेको छ ।