आज देशका केही ठाउँमा वर्षाको सम्भावना
प्रकाशित मिति : 26 September, 2025 6:12 am
काठमाडौँ । काठमाडौँ उपत्यकासहित देशका अधिकांश स्थानमा गएराति मौसम सामान्यतया सफा रहेको मौसम पूर्वानुमान महाशाखाले जनाएको छ । रुकुममा भने मध्यम वर्षा भए पनि अन्य ठाउँमा विशेष वर्षा नपरेको महाशाखाको जानकारी छ ।
आज दिनभर देशका केही स्थानमा हल्कादेखि मध्यम वर्षा हुने सम्भावना रहेको महाशाखाले जनाएको छ । विशेषगरी कोशी, बागमती, गण्डकी र कर्णाली प्रदेशका पहाडी भूभागका थोरै स्थानमा वर्षा हुने देखिएको छ ।
यस्तै, बाँकी भूभागका एक–दुई स्थानमा समेत मध्यम वर्षा हुने पूर्वानुमान गरिएको छ । महाशाखाले आवश्यक सतर्कता अपनाउन अनुरोध गरेको छ ।
