आज देशभर मौसम सफा हुन : पहाडी क्षेत्रमा मात्र आंशिक बदली
प्रकाशित मिति : 15 October, 2025 7:13 am
काठमाडौँ । आज देशभर मौसम सामान्यतः सफा रहने भएको छ । जल तथा मौसम पूर्वानुमान महाशाखाका अनुसार हाल कुनै उल्लेखनीय मौसम प्रणालीको प्रभाव नभएकाले देशका अधिकांश भागमा मौसम स्थिर र खुला रहनेछ ।
महाशाखाले दिएको विवरणअनुसार दिउँसो कोशी, गण्डकी र सुदूरपश्चिम प्रदेशका पहाडी भूभागमा आंशिक बदली रहनेछ भने बाँकी प्रदेशका अधिकांश भूभागमा मौसम सफा रहनेछ ।
कोशी प्रदेशका पहाडी क्षेत्रका एक–दुई स्थानमा हल्का वर्षा हुने सम्भावना पनि रहेको महाशाखाले जनाएको छ । तर आज राति देशभर मौसम मुख्यतया सफा रहने अनुमान गरिएको छ ।
