माैसम अपडेट : अधिकांश भूभागमा मौसम सफा रहने
प्रकाशित मिति : 23 November, 2025 6:19 am
दाङ। हाल देशभर कुनै उल्लेखनीय मौसम प्रणालीको प्रभाव नरहेको नेपाल मौसम पूर्वानुमान महाशाखाले जनाएको छ। महाशाखाका अनुसार बिहानदेखि नै अधिकांश भूभागमा मौसम स्थिर छ।
हाल कोशी प्रदेश र गण्डकी प्रदेशका पहाडी तथा हिमाली भूभागमा आंशिक बदली देखिएको छ। त्यसबाहेक देशका अन्य प्रदेश र भूभागमा मौसम मुख्यतया सफा रहेको महाशाखाले जनाएको छ।
आज दिउँसो पनि यस्तै अवस्था रहने अनुमान गरिएको छ। कोशी र गण्डकीका पहाडी–हिमाली क्षेत्रमा आंशिक बदली रहनेछ भने बाँकी भूभागमा मौसम सामान्यतया सफा रहने पूर्वानुमान छ।
राति पनि यथार्थमा कुनै ठूलो परिवर्तन नआउने महाशाखाको आकलन छ। कोशी र गण्डकीका पहाडी तथा हिमाली क्षेत्रहरूमा आंशिक बादल रहिरहने र अन्य क्षेत्रमा आकाश सफा रहनेछ। महाशाखाले हालको स्थिर मौसम अवस्थाले हवाई उडानदेखि दैनिक गतिविधिसम्म सहज रहने संकेत दिएको छ।
