चीन, रुस र अमेरिकाले विकास गरेको कोरोना विरुद्धको भ्याक्सिन नेपालमा परीक्षण हुँदै
काठमाडौं, ७ भाद्र ।
चीन, रुस र अमेरिकामा उत्पादित कोरोना विरुद्धको खाेपकाे नेपालमा पनि ‘ट्रायल’ परीक्षण हुने भएकाे छ । विश्वभर तेस्राे चरणमा भ्याक्सिन परीक्षण हुने क्रम भइरहकाेमा नेपालमा पनि नेपाल स्वास्थ्य अनुसन्धान परिषद्काे नेतृत्वमा परिक्षण प्रकृया अघि बढाइएकाे हाे ।
आइतबार मन्त्रालयलले आयोजना गरेको नियमित पत्रकार सम्मेलनमा भ्याक्सीनको अध्ययन अनुसन्धान गर्न तीनै मुलुकका कम्पनीहरुले अनुरोध गरे अनुरुप परीक्षण प्रक्रिया अगाडि बढाइएको परिषद्का सदस्य सचिव डा. प्रदिप ज्ञवालीले जानकारी गराए ।
यसैगरि काेराेना विरूद्धकाे औषधीकाे नेपालमा पनि नेपालमा परीक्षण प्रक्रिया अगाडि बढाइसकिएकाे ज्ञवालीले बताए । चिकित्सकहरूकाे प्रत्यक्ष निगरानीमा काेराेना अस्पतालहरूमा अध्ययन अनुसन्धानका लागि प्रयाेग हुने भएकाे छ । बजारमा मेडिकलहरूले भने यस्ताे औषधी सरकारकाे अनुमति विना बिक्री गर्न पाउने छैनन् ।
