दाङमा बदेलको आक्रमणमा चारजना गम्भीर घाइते
प्रकाशित मिति : 2 January, 2021 1:05 pm
![](https://i0.wp.com/www.lumbinisanchar.com/wp-content/uploads/2021/01/badel.jpg?fit=700%2C437&ssl=1)
दाङ । दाङमा बदेलको आक्रमणमा चारजना गम्भीर घाइते भएका छन् ।
आज बिहान घाँस दाउराका लागि नजिकैको सामुदायिक वनमा गएका बेला बदेलले आक्रमण गर्दा एक बालकसहित ४ जना घाइते भएका हुन् । घाइते हुनेमा लमही नगरपालिका वडा नम्बर १ बरूवा गाउँ निवासी ४० वर्षीय हिरादेवी चौधरी, वडा नम्बर २ डोडहीका ८ वर्षीय शिरीष गिरी, ५५ वर्षीय धनिया चौधरीसहित ४ जना गम्भीर घाइते भएका हुन् ।
घाइते मध्ये दुईजनालाई लमही र फलोरेन्स् अस्पतालमा प्राथमिक उपचार लगत्तै थप उपचारको लागि बुटवल पठाइएको छ । अन्य दुई जनाको लमही अस्पतालमा उपचार भइरहेको छ ।