८ जेष्ठ २०७९, आइतबार

पत्रकार महासङ्घको भवन निर्माणका लागि सहयोग

प्रकाशित मिति :  16 December, 2019 2:02 pm


भीमेश्वर, ३० मङ्सिर

नेपाल पत्रकार महासङ्घ दोलखा शाखाको भवन निर्माणका लागि सात गाउँपालिका तथा दुई नगरपालिका र अन्य सङ्घसंस्थाको सहयोगमा आर्थिक सहयोग जुट्ने क्रम बढ्दै गएको छ । आधुनिक सूचनासहितको उक्त भवन निर्माण गर्न यसअघि करिब रु ३० लाखभन्दा बढी खर्च भइसकेको शाखाका अध्यक्ष जीवन लामाले बताउनुभयो ।

भवन निर्माण गर्न भनी अल्पाइन पब्लिक स्कुल चरिकोटले एक कार्यक्रमको आयोजना गरी सोे भवन निर्माण गर्नका लागि रु २० हजार नगद सहयोग गरेको छ । स्कुलले आयोजना गरेको अल्पाइन फिस्टा–२०७६ को अवसर पारी महासङ्घलाई सो सहयोग गरेको प्राचार्य उद्धव थापाले बताउनुभयो ।

जिल्लाकै नमूना र सूचनामैत्री निर्माणाधीन भवनका लागि स्कुलबाट यो पहिलो आर्थिक सहयोग प्राप्त भएको हो । फिस्टा कार्यक्रमको आयोजनमा नर्सरीदेखि कक्षा १० सम्मका विद्यार्थीले कक्षागत साङ्गीतिक कार्यक्रम र शिक्षकले चेलीबेटी बेचबिखन विरुद्धको प्रहसन प्रस्तुत गरेका थिए । सो विद्यालयमा नर्सरीदेखि कक्षा १० सम्म ९३७ विद्यार्थी अध्ययनरत रहेका स्कुलका निर्देशक तेञ्जिङ शिराब लामाले बताउनुभयो । भवन निर्माण गर्नका लागि भीमेश्वर नगरपालिकाले रु १० लाखको चेक हस्तारण गरेको छ ।



प्रतिक्रिया दिनुहोस !