१ बैशाख २०७८, बुधबार

मोडल हन्ट नेपाल सिजन ६ का विजेता बने प्रविण र अनिशा (फोटो सहित)

प्रकाशित मिति :  १६ चैत्र २०७७, सोमबार १२:२६


काठमाडौं ।

मोडेल हन्ट नेपाल सिजन ६ को विजेता प्रविण चापागाईँ र अनिशा शाक्य बनेका छन् ।

काठमाडौंस्थित सोल्टी क्राउन प्लाजामा सम्पन्न प्रतियोगितामा ३४ जना युवा र ३२ युवतीबीच प्रतिस्पर्धी सहभागी थिए ।

ग्राण्ड फिनामा प्रस्तुतिमा आईसी कलेज अफ आर्ट एण्ड फेसनका १७ औं ब्याचका विधार्थी डिजाइनरहरुले तयार पारेको पहिरनमा सजिएका मोडेलहरुले र्याम्प प्रस्तुति गरेका थिए ।

प्रतियोगिताको फस्ट रनरअप मिनाल्ड लामिछाने र श्रीयशी श्रेष्ठ तथा सेकेन्ड रनर अपतर्फ अनुप कार्की र परितोषिका पन्त विजेताका रुपमा छनौट भएका छन् ।

ग्लोबल आईएमई पे भोटिङ पार्टनर रहेको सो प्रतियोगितामा लक्ष्मी राना र सौर्या तिर्वा मोस्ट स्टाइलिस, प्रविण चापागाईं र राजश्री कार्की वेष्ट पर्सनालिटी, अनुप कार्की र सरिता बाडी वेष्ट वाक, शुभम् भण्डारी र श्रीरुधी बस्न्यात पब्लिक च्वाइस तथा मि. एण्ड मिस मल्टिी मिडिया, प्रतिभा गुरुङ र कविर घले गुरुङ सोसियल्ली रेस्पोन्सिबल विधातर्फ विजयी बनेका छन् ।

प्रतियोगितामा विनय पन्त र अनिशा शाक्य मोस्ट फोटोजेनिक, मिनाल्ड लामिछाने वेष्ट फिजिक र अदिति मानन्धर बेष्ट फिगर, गणेश राज जोशी र श्रीयशी श्रेष्ठ कमर्सियल मोडल, सौगात श्रेष्ठ र पूजा कार्की मोस्ट पपुलर शुभम् भण्डारी र स्मृति ओली होप इन्टरनेसल एजुकेसनका ब्राण्ड एम्बेसडर, शुभम् भण्डारी र स्नेहा पोखरेल फेस अफ ओखतीका रुपमा छनौट भएका छन् ।

नेक्स्ट मोडल्स नेपालको ब्यानर अन्तर्रत रवि धमला र एत्ना पाण्डेको निर्देशनमा संचालन भएको मोडल हन्ट नेपालका मुख्य प्रशिक्षक एवं कोरियोग्राफर रोजिन शाक्य थिए ।

प्रतियोगितामा आईसी ग्रुप, नेपालका प्रबन्ध निर्देशक शैलजा अधिकारी, कान्तिपुर टेलिभिजनका कार्यकारी निर्माता एवं संचारकर्मी सुरज सिंह ठकुरी, संचारकर्मी एवं पूर्व मिस नेपाल माल्भिका सुब्बा, डा. आयुष्मान घिमिरे तथा फेसन डिजाइनर इन्टा श्रेष्ठले निर्णायकको भूमिका निर्वाह गरेका थिए ।

मोडल बन्ने प्रक्रिया अन्तर्गतको विशेष एवं अन्तर्राष्ट्रिय स्तरको ग्रुमिङ परिवेशमा आफ्नो व्यक्तित्वलाई मोडल व्यक्तित्वमा रुपान्तरण गर्ने क्रममा र्याम्प मोडलिङका विविध आयाम र व्याकरण देखि स्टेज प्रस्तुतिकरणका तरिका लगायत समग्रमा व्यवासायिक मोडलमा हुनुपर्ने गुण र सीपहरुको विकास गर्ने क्रममा करिब पाँच साताको ग्रुमिङ एवं प्रशिक्षण पश्चात् मोडल हन्ट नेपाल सीजन ६ को फाइनल प्रतिस्पर्धा विधिवत् रुपमा सम्पन्न भएको हो ।

प्रतियोगिताका विजेताहरुले राष्ट्रिय तथा अन्तर्राष्ट्रिय फेसन सप्ताहमा आफ्नो उपस्थिति दर्शाउने छन् । यसका साथै कोरियामा संचालन हुने एलबीएमए अवार्डस्, गोवामा संचालन हुने इन्टरनेसनल फेसन वीक, लगायत फेसन, मोडलिङ र मिडियामा विशेष अवसर प्राप्त गर्नेछन् ।



प्रतिक्रिया दिनुहोस !