२० असार २०७९, सोमबार

तस्बीरमा, सातौँ राष्ट्रिय पोसाक दिवस

प्रकाशित मिति :  2 January, 2020 5:36 pm


१७ पुस, काठमाडौं

काठमाडौंमा विविध कार्यक्रम गरी सातौं राष्ट्रिय पोसाक दिवस मनाइएको छ।

‘मेरो शान, मेरो पहिचान, राष्ट्रिय पोशाक संरक्षण महाअभियान’ भन्ने नारासहित बिहीबार ‘राष्ट्रिय पोशाक दिवस’ मनाइएको हो । राष्ट्रिय पोशाक संरक्षण महाअभियान नेपालले काठमाडौंको माइतीघरमा सद्भाव र्याली निकाली दिवस मनाएको हो ।

महाअभियानका संयोजक राजानन्द माण्डव्यले नेपालको राष्ट्रिय पोशाक लोप हुने अवस्थमा पुगेकाले संरक्षणमा जुटनुपरेको बताए । उनले नेपालमा रहेका सम्पूर्ण जात जातिको पहिचान बोक्ने सबै पोशाक राष्ट्रिय पोशाक भएको तर दौरा, सुरुवाल, टोपी र गुन्यूचोली देशको साझा राष्ट्रिय पोशाक भएको बताए ।

राष्ट्रिय पोशाक संरक्षण महाअभियानले नेपालको राष्ट्रिय पोशाक संरक्षण गर्ने भन्दै २०७० साल यता पुस १७ गतेका दिन राष्ट्रिय पोशाक दिवस मनाउने गरेको छ ।

र्‍यालीमा युवा-युवतीहरू, सामाजिक अभियन्ताको सहभागिता उल्लेख्य रहेको थियो। राष्ट्रिय पोसाकमा सजिएका उनीहरूले हातमा झण्डा समेत बोकेका छन्।

तस्बिरमा हेर्नुहाेस्  सातौँ राष्ट्रिय पोसाक दिवस

तस्बीर : अर्जुन भूसाल



प्रतिक्रिया दिनुहोस !