इटली युरो कपको सेमिफाइनलमा प्रवेश
प्रकाशित मिति : 3 July, 2021 8:03 am
काठमाडौं । इटली युरो कपको सेमिफाइनलमा प्रवेश गरेको छ ।
गएराति भएको खेलमा अपराजित बेल्जियमलाई २–१ गोल अन्तरले पराजित गर्दै इटालीले सेमिफाइनलमा पुगेको हो ।
इटलीलाई जिताउन निकोलो बरेल्ला र लोरेन्ज इनसिग्नेले एक एक गोल गरेका थिए । बेल्जियमा रोमेलु लुकाकुले एक गोल फर्काएका थिए ।
३१ औं मिनेटमा बरेलाले गोल गर्दै इटलीले अग्रता बनाएको थियो ।
४४ औं मिनेटमा इनसिग्नले बरेल्लाको सहयोगमा गोल गरेपछि इटलीको जित सुनिश्चित बन्यो ।
पहिलो हाफकै अतिरिक्त समयमा रोमेलु लुकाकुले पेनाल्टी मार्फत गोल गर्दै खेललाई २–१ मा झारेपनि त्यो प्रयाप्त भएन ।
दोस्रो हाफमा दुवै समूहबाट थप गोल नभएपछि इटाली २–१ गोल अन्तरले विजयी हुँदै सेफिाइनलमा स्थान पक्का गर्न सफल भयो ।
फाइनल प्रवेशका लागि इटलीले अब स्पेनसँग प्रतिस्पर्धा गर्ने छ ।
