स्याङ्जामा जिप दुर्घटना हुँदा २ जनाकाे मृत्यु
प्रकाशित मिति : 5 February, 2022 6:17 pm
स्याङ्जा । स्याङ्जाको बिरूवा गाउँपालिकामा जिप दुर्घटनामा परी दुईजनाको मृत्यु भएको छ ।
आज बिहान स्याङ्जाको बिरुवा गाउँपालिका वडा नं ३ धोबादी भित्री सडक खण्डमा जिप दुर्घटना भएको हो ।
बिरुवाबाट खालीतर्फ जाँदै गरेको ग १ ज ५९३९ नं. को जिप सडकदेखि करिब ५०० मिटर तल खस्दा बिरुवा गाउँपालिका-३ खालीका २६ वर्षीय चालक बेलबहादुर थापा र सोही ठाउँकै ३२ वर्षीय भेषबहादुर थापाको घटनास्थलमै मृत्यु भएको स्याङ्जा प्रहरीले जनाएको छ ।
हाल मृतकका शव पोष्टमार्टमका लागि जिल्ला अस्पताल स्याङ्जा पठाइएको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक राजेन्द्रप्रसाद अधिकारीले जानकारी दिए ।
