असिना पानीसहित हिमपातको सम्भावना
प्रकाशित मिति : 14 March, 2020 9:17 am
![](https://i0.wp.com/www.lumbinisanchar.com/wp-content/uploads/2020/03/1A1ADEE6-4114-4DEE-BBE6-8C0EF4B53EB7.jpeg?fit=2400%2C1600&ssl=1)
काठमाडौं, १ चैत्र ।
मौसम पूर्वानुमान महाशाखाले हाल नेपालमा पश्चिमी वायुको प्रभाव परेको जनाएको छ भने अहिले देशका मध्य र पूर्वी भागमा सामान्यदेखि पूर्ण बदली रहेको र पश्चिमी भूभागमा आंशिक बदली भईरहेको जानकारी दिएको छ ।
यसका साथै, पूर्वी भागका केही स्थानमा भने हल्का वर्षा भइरहेको महाशाखाले जानकारी दिएको छ । महाशाखाले दिउँसो देशका पूर्वी भू–भागमा सामान्यदेखि पूर्ण बदलीरहि मध्य तथा पश्चिमी भू–भागमा आंशिकदेखि सामान्य बदली रहने जनाएको छ ।
पूर्वानुमानका अनुसार देशका केहि स्थानहरूमा मेघ गर्जन, चट्याङ्ग, असिना र हावाहुरी सहित वर्षाको सम्भावना रहेको छ। देशको उच्च पहाडी तथा हिमाली भू–भागमा हल्का देखि मध्यम हिमपातको सम्भावना छ ।