पाकिस्तानसँग इंग्ल्यान्ड पराजित
काठमाडौं । पाहुना टोली इंग्ल्यान्डलाई पाकिस्तानले पाँचौं टी-ट्वान्टी क्रिकेटमा पराजित गरेको छ । बुधबार राति भएको खेलमा पाकिस्तानले इङ्ग्ल्यान्डलाई ६ रनले हराएको हो ।
जितका लागि पाकिस्तानले दिएको १ सय ४६ रनको लक्ष्य पछ्याएको इङ्ग्ल्यान्डले २० ओभरमा ७ विकेट गुमाएर १ सय ३९ रन मात्र बनाउन सक्यो ।
इंग्ल्यान्डका लागि कप्तान मोइन अलीले अविजित रहदै ५१ रनको अर्धशतकीय इनिङ खेले । डाविड मालनले ३६ तथा साम करणले १७ रन जोडे ।
पाकिस्तानका हरिस राउफले २ विकेट लिए ।
पहिले ब्याटिङ गरेको पाकिस्तानले १९ ओभरमा अलआउट हुँदै १ सय ४५ रन बनाएको थियो । पाकिस्तानका लागि मोहमद रिजवानले ६३ रनको अर्धशतकीय इनिङ तथा इफ्तिखर अहमदले १५ रन जोडे ।
इंग्ल्यान्डका मार्क उडले ३ तथा डेविड विलि र साम करणले २/२ विकेट लिए ।
जितसँगै पाकिस्तानले ७ खेलको सिरिजमा ३-२ को अग्रता बनाएको छ । सिरिज अन्तर्गत अव दुई खेल खेल्न बाँकी छ ।
