व्यक्तिगत पहलमा राहत वितरण
प्रकाशित मिति : 8 April, 2020 12:46 pm
रोल्पा, २६ चैत ।
लकडाउनका कारण समस्यामा परेका ज्याला मजदुरी गरि खाने परिवारलाई रोल्पाको सुनिल स्मृति गाउँपालिका-२ खुंग्रीका समाजसेवी श्याम भारतीले खाद्यान्न वितरण गरेका छन् ।
उनले आज वडा भित्र बस्ने १३ घरपरिवारलाई राहत वितरण गरेका हुन् ।
भारतीले आफ्नो व्यक्तिगत खर्चबाट ज्यालामजदुरी गर्ने परिवारलाई राहत वितरण गरेको बताएका छन् ।
उनले १३ घर परिवारलाई १० किलो चामल र एक किलो दाल वितरण गरेका हुन् ।
लकडाउनले अफ्ठेरोमा परेका व्यक्तिलाई सहयोग पुगोस भनेर आफूले खाद्यान्न वितरण गरेको भारतीले जानकारी दिए ।
