बहराइनमा कोरोना भाईरसबाट संक्रमित नेपालीको संख्या २० पुग्यो
काठमाण्डौं,२७ चैत ।
बहराइनमा कोरोना भाईरसबाट संक्रमित नेपालीको संख्या २० पुगेको छ ।
नेपाली दुतावास बहराइनले विज्ञप्ति निकाल्दै हिजो मात्रै एकै पटक १० जना नेपालीमा कोरोना भाइरस संक्रमणको पुष्टि भएको जनाएको छ ।
दुतावासले यसअघि १२ जनामा कोरोना भाइरसको संक्रमण देखिएको पुष्टि गरेको थियो ।
केही समय अगाडी सल्माबाद स्थित क्याम्पमा एकजना विदेशी नागरिकमा संक्रमण देखिएपछि त्यहाँ कार्यरत झण्डै ४ सय नेपालीलाई क्वारेन्टाइनमा राखिएको थियो ।
तिनै क्वारेन्टाइनमा बसेका मध्य १० जना नेपालीमा कोरोनाको संक्रमण भएको पुष्टि भएको दुतावासले विज्ञप्ति निकाले जनाएको छ ।
हिजोसम्मको तथ्याङ्क अनुसार बहराइनमा ५ जनाको मृत्यु भइसकेको छ भने ३ सय ४९ जनामा कोरोना संक्रमणको पुष्टि भएको छ ।
४ सय ६७ जना निको भएका छन् ।
बहराइनले कोरोना संक्रमण सुरु भएपछि क्वारेन्टाइन अवज्ञा गरेको पाईए ३ महिना जेल वा १ हजारदेखि १० हजार डिनार वा दुबै सजाय गर्ने निर्णय गरेको छ ।
सार्वजनिक स्थलहरुमा आवातजावत तथा भिडभाड गर्न रोक लगाउनुका साथै घरबाटै काम गर्न प्रोत्साहन गरेको छ ।
