संघीय संसदको शिक्षा तथा स्वास्थ्य समिति सकृय : सरकारलाई नौं बुँदे ध्याकर्षणसहितको सुझाव
काठमाण्डौं, २ बैशाख।
संघीय संसदको शिक्षा तथा स्वास्थ्य समितिले कोरोना भाइरसको रोकथाम तथा नियन्त्रणका लागि आवश्य स्वास्थ्य सामाग्री छिटो खरिद गरि वितरण गर्न सरकारको ध्याकर्षण गराएको छ ।
समितिको आज अनौपचारिक रुपमा भिडियो कन्फेन्स मार्फत बसेको बैठकले सरकारलाई विभिन्न सुझावसहित ९ बुँदे ध्याकर्षण गराउने निर्णय भएको सभापति जयपुरी घर्तीले जानकारी दिईन् ।
समितिले कोरोना भाइरसको ल्याब टेष्ट तिब्र रुपमा अगाडी बढाउन , क्वारेन्टाइन र आइसोलेशनमा बस्नेहरुको खाने,बस्ने र उपचारका उचित व्यवस्था गर्न पनि सरकारको ध्याकर्षण गराएको छ ।
समितिले कोराना भाइरस बाहेकका अन्य विरामीहरुलाई उपचारका लागि सहज वातावरण बनाउन पनि ध्याकर्षण बनाएको हो ।
समितिले कोरोना भाइरसको त्रासमा परेकाहरुलाई मनोपरामर्शको व्यवस्थ गर्नुपर्ने, राहत वितरणमा अनियमितालाई ध्यान दिनुपर्ने, कोरोना भाइरससँग सम्बन्धित सामाग्रीहरु गुणस्तरीय हुनुपर्ने भनेको छ ।
चिकित्सक,स्वास्थ्यकर्मी, सुरक्षाकर्मी, एम्बुलेन्स चालक लगायत प्रत्यक्ष उपचारमा खटिने व्यक्तिलाई सुरक्षा सामाग्रीको व्यवस्था गनुपर्ने समितिले भनेको छ । संघीय संसदको अधिवेशन अन्त्य भइसकेको अवस्थामा शिक्षा तथा स्वास्थ्य समितिले सकृयता बढाएको हो ।
सम्बन्धित समाचार:
- संघीय संसदको शिक्षा तथा स्वास्थ्य समिति सकृय बन्दै, बैठक बोलाउन सभापति घर्ती आन्तरिक छलफलमा
- संकटका बेला प्रदेश-५ मा प्रदेश सभाको भूमिकामा प्रश्न,समितिहरु पनि निष्कृय
