भारतीय दूतावास अगाडी प्रर्दशन गर्न गएका अनेरास्ववियूका नेता कार्यकर्ता पक्राउ
काठमाडौं, २७ वैशाख ।
भारतीय दूतावास अगाडि प्रर्दशन गर्न गएका सत्तारूढ नेपाल कम्युनिष्ट पार्टी (नेकपा)को भातृ संगठन अनेरास्ववियूका नेता कार्यकर्तालाई प्रहरीले पक्राउ गरेको छ ।
नेपाली भूमि लिपुलेक हुँदै चीनको मानसरोवर जोड्न भारतले सडक निर्माण गरी उद्घाटन गरेको सार्वजनिक भएपछि अनेरास्ववियूका नेता कार्यकर्ताले आज भारतीय दूतावास अगाडि लैनचौरमा शान्तपूर्वक प्रदर्शन गर्न पुगेका थिए ।
प्रहरीले प्रदर्शनमा सहभागी अनेरास्ववियूका पूर्वकेन्द्रीय सचिव सुदेश पराजुलीलगायत २० जना विद्यार्थी नेता कार्यकर्तालाई प्रहरीले पक्राउ गरेको अनेरास्ववियूले जनाएको छ ।
भारतले नेपालको भूमि अतिक्रमण गरी सडक निर्माण गरेर यातायात सञ्चालन गरेपछि चौतर्फी विरोध सुरु भएको छ ।
सम्बन्धित समाचार
मिचेको नेपाली भूमिमा भारतद्धारा सडक निर्माण गरेर मानसरोवरका लागि यातायात सञ्चालन
मिचेको नेपाली भूमिमा भारतद्धारा सडक निर्माण गरेर मानसरोवरका लागि यातायात सञ्चालन
