अविरल वर्षाले भालुवाङ-प्यूठान सडक खण्डको विभिन्न ठाउँमा क्षति, अवागमन प्रभावित
प्रकाशित मिति : 18 October, 2021 11:59 am
प्यूठान । अबिरल वर्षाले भालुवाङ-प्यूठान सडक खण्डको विभिन्न ठाउँमा क्षति पुराएपछि आवागमन प्रभावित भएको छ ।
भालुवाङ-प्यूठान सडक खण्डभित्र पर्ने बोडडाँडादेखि चकचकेकोबीचमा ठाउँ ठाउँमा पहिरो गएपछि यातायात प्रभावित भएको हो ।
कम्तिमा ४ ठाउँमा पहिरो गएको छ भने कतिपय ठाउँमा खहरे खोलाले सडक अवरुद्ध बनाएको छ ।
सडकको अवरोध हटाउँदै यातायात सञ्चालनको प्रयास भइरहेको प्रहरीले जनाएको छ । सडक अवरुद्व भएपछि प्यूठान र रोल्पा आउजाउ गर्ने यात्रुहरू जाममा परेका छन् ।
