कोरोना प्रभाव: आईपीएल २साता पछि सर्यो
प्रकाशित मिति : 13 March, 2020 3:45 pm
काठमाडौं , ३० फागुन । इन्डियन प्रिमियर लिग (आईपीएल) टी २० क्रिकेट दुई सात पछि सरेको छ । विश्वरभर फैलिएको कोरोना भाइरसको कारण आईपीएल तोकिएकै समयमा गर्ने वा पछि सार्ने भन्नेबारे बहस चलिरहेका बेला १६ दिन पछि सरेको हो ।
यसअघि आईपीएल मार्च २९ बाट शुरु हुने पक्का भएको थियो । तर अब उद्घाटन खेल अप्रिल १५ मा हुनेछ ।
भारतीय सरकारको सुझावअनुसार बीसीसीआई अध्यक्ष सौरभ गांगुली र सचिव जय शाहले आईपीएको उच्च व्यवस्थापनसंग छलफल गरेपछि लिग सार्ने निर्णय गरेको ईएसपीएन क्रिकइन्फोले जनाएको छ ।
यसअघि भारत सरकारले अप्रिल १५ सम्म विदेशीहरुलाई भारत प्रवेशमा रोक लगाएको थियो । जसमा आईपीएल खेल्ने विदेशी खेलाडीसमेत पर्नेछन् ।
आईपीएल सरेपछि भने अब विदेशी खेलाडीले पनि आईपीएल खेल्ने सम्भावना बढेको छ । १३ औं संस्करणको आईपीएलमा ८ टिमले प्रतिस्पर्धा गर्दैछन् ।
