सुनको मूल्य ओरालो लाग्यो
प्रकाशित मिति : 26 February, 2023 11:33 am
काठमाडौँ । पछिल्लो एक सातादेखि नेपाली बजारमा सुनको मूल्यमा निरन्तर गिरावट आएको छ । आज आइतबार पनि सुनको मूल्य ओरालो लागेको छ ।
नेपाल सुनचाँदी व्यावसायी महासंघको जानकारी अनुसार छापावाला सुनको मूल्य अघिल्लो कारोबारको तुलनामा तोलाको ४०० रुपैयाँले घटेर तोलाको एक लाख २ हजार रुपैयाँमा कारोबार भइरहेको छ ।
त्यस्तै आज तेजावी सुनको मूल्य तोलाको एक लाख १ हजार ५०० रुपैयाँ कारोबार तोकिएको छ ।
आज चाँदीको मूल्य पनि ओरालो लागेको छ । महासंघको जानकारी अनुसार चाँदी तोलाको १५ रुपैयाँले घटेर तोलाको १२६० रुपैयाँ कारोबार मूलय तोकिएको छ ।
