कलाकारकाे लकडाउन अनुभवः संगीत साधना निरन्तर, घरपरिवारसँग घुलमिलको अवसर
काठमाडाै, ७ वैशाख ।
लकडाउन हरेक हप्ता थपिएको थपिएै छ । कोराना संक्रमण बढेको छ ।
यस्तोमा लकडाउन अझै लम्बिने संकेतहरु आइरहेका छन् । रोगले न आफ्नो न पराइ भन्छ । कोरोनाले कसैलाई चिन्दैन । त्यसैले सरकारले घोषणा गरेको लकडाउन पालना गर्नु सबैको कर्तब्य हो र अधिकांसले पालना गरिरहेका छन् । सडकमा जनता अलपत्र परेको, हिडेरै घर पुगेको खबर पनि आइरहेका छन् ।
तर जागिरे वा दैनिक घर बाहिर धेरै विताउनु पर्नेका लागि लकडाउन घरमा समय व्यतित गर्ने अवसर बनेको पाइन्छ ।
स्रोत, दर्शक र पाठकहरुका लागि गीत, संगीत र अभिनयमा विताउने कलाकारहरुको दैनिकी कस्तो छ त ? लुम्बिनी संचारले गीत, संगीत र कलाका प्रतिनिधी पात्रहरुसँग कुराकानी गरेको छ ।
राधा-कृष्णलाई घर नै संगीत घर
बाध्यवादन तथा गायन क्षेत्रमा सक्रिय कृष्ण पुन लकडाउनका कारण बानेश्वर स्थित घरमै दिन विताइरहेका छन ।
आफन्त साथीभाईसंग टेलिफोन, सामाजिक संजाल मार्फत सम्पर्क सम्वाद हुने गरेको छ, उनको । रेकर्डिङ स्टुडियो समेत चलाइरहेको उनको स्टुडियो ‘म्यूजिक बैंक भने बन्द छ ।
घरको छत, कोठामा तलमाथी गर्दै उनको दैनिकी चलिरहेको छ ।
जीवनसाथी समेत गायिका भएको घरमा साधना, संगीत भने जारी छ । जीवन संगीनी राधिका हमाल अब्बल लोकगायिका हुन् । सामान्य अवस्थामा देश विदेशमा कन्सर्टमा व्यस्त हुने उनी पनि श्रीमानसँग लकडाउनमै छिन् ।
तर, दुबै जना संगीतको क्षेत्रमा भएकाले गाना बजानामै लकडाउन कटाइरहेका छन् । लकडाउनले तनाव भन्दा पनि ‘फ्रेस’ बनाएको दुबै जनाको अनुभूति छ ।
कार्यव्यस्तताले परिवारका कम समय व्यतित गर्ने अवस्था रहने भएकाले बाध्यकारी लकडाउनले पारिवारिक माहोल राम्रो भएको अनुभव छ ।
संगीत साधना र व्यायममै दैनिकी : शान्ति श्री परियार
गायिका शान्तिश्री काठमाडौमै छिन् ।
रोल्पा थातथलो भएकी गायिका लकडाउनका कारण घर जान पाएकी छैनन् ।
तर, परिवारका आधाजसो सदस्यसंग काठमाडौमा समय बिताइरहेकी गायिका लकडाउनका कारण सांगीतिक गतिविधि रोकिएपछि घर भित्रै संगीत साधना गरिरहेकी छन् ।
संगीत नै जीवन भएको बताउदै साधना जस्तो सुकै अवस्थामा पनिजारी राख्नुपर्ने उनको धारणा छ । वबहिर निस्कन नपाएपछि गायिका परियार घरभित्र गरिने शारिरीक कसरत गर्दै खाना बनाउँदै समय बिताइरहेको बताउँछिन् ।
स्वास्थ्य सवैभन्दा ठूलो कुरा भएका कारण सवै सचेत भएर लकडाउनको पालना गर्नुपर्ने उनको धारणा छ ।
लुम्बिनी संचारसँगको कुराकानीमा उनले लकडाउनका बेला सरकारले जारी गरेको नियमहरु पालना गरेर कोरोना विरुद्धको लडाइमा साथ दिन सबै नेपालीलाई आग्रह गरिन् ।
ठट्यौली गर्दै गाउँमा रमाउदै कमल गाउँले
कलाकारितामा लागेपछि दाङको जन्मथलो छोडेर काठमाडौंलाई कर्मथलो बनाएका हास्य कलाकार कमल गाउँले लकडाउन पहिले नै गाउँ फर्किएका थिए ।
धेरै समयपछि गाउँले जीवनको मजा लिन पाएको उनको अनुभव छ । काफल पाकिरहेको समय, खेतवारीको काम गर्दै लकडाउनको सदुपयोग भैरहेको उनले बताए ।
दुरी कायम गरेर खेतवारीमा काम गर्दा रमाइलो समेत भैरहेको उनको अनुभव छ ।
बजार क्षेत्रमा बस्नेहरुलाई खाद्यान्न तरकारी लगाएको समस्या हुने भए पनि घरमै फलाएको तरकारी खाद्यान्न हुने भएपछि गाउँमा लकडाउनको जस्तो अनुभव पनि नभएको उनको भनाई छ ।
त्यसो त आफ्नो कलाकर्मलाई घरमै वस्दा समेत छोडेका छैनन । मानिसहरुलाई हसाउने उनि अहिले सचेतनाका भिडियो बनाएर युट्युवमा राख्छन । धेरै मानिसले उनको कामको प्रशंसा गरेका छन् ।
संगीत, समाचार र सिनेमा दैनिकी :प्रकाश सपुत
अहिलेका चल्तिका लोक गायक प्रकाश सपुत, बाग्लुङका स्थायी बासिन्दा हुन् । गायक सपुत लकडाउन भन्दा केहि समयपहिले पोखरा पुगेका थिए ।
लकडाउन हुने हल्लासंगै थातथलो बाग्लुङ पुगेका सपुत अहिले उतै छन् । लकडाउनले गाउँले जिवनलाई खासै प्रभाव नपार्ने उनको धारणा छ ।
उनका अनुसार अन्य बन्दका समयमा पनि गाउँले जनजीवन सधाझैँ चलिरहेको हुन्छ । अहिले पनि चलिरहेको छ । तर, अहिले फरक समय भएकोले सजकता अलि वढि अपनाउनु पर्ने उनको धारणा छ ।
अरुजस्तै घरपरीवारसँग समय वितिरहेको छ उनको । घरमै वस्दा समय पनि धेरै भएकोले संगित, समाचार सुन्ने, फिल्म हेरेर समय विताइरहेका छन उनले ।
लकडाउनलाई सबैले पालना गरेमा कोरोनाविरुद्धको लडाइ जित्न सहज हुने उनको धारणा छ । लकडाउनको पालना गर्दै जहाँ जस्तो अवस्थामा भए पनि समयको नदुपयोग गर्ने कोसिस गर्न उनी आव्हान गर्छन् ।
