१२ बैशाख २०८१, बुधबार

आजदेखि पोखरामा राष्ट्रिय ह्वीलचियर बाँस्केटबल, १५ टिम सहभागी हुँदै

प्रकाशित मिति :  3 March, 2024 7:58 am


काठमाडौँ। नेपालमा पहिलोपटक राष्ट्रिय स्तरको विकासशिल्ड राष्ट्रिय ह्वीलचियर बाँस्केटबल प्रतियोगिता हुने भएको छ ।

आज (आइतवार)देखि दुई दिनसम्म पोखरास्थ्ति दुई वटा स्टेमडिमयमा राष्ट्रिय स्तरको ह्वीलचियर बाँस्केटबल प्रतियोगिता हुन लागेको हो ।

सुन्दर सेवा साथी सेवाका संस्थापक विकास अधिकारीको दोस्रो स्मृति दिवसमा प्रतियोगिताको बारेमा जानकारी दिँदै विकासशील म्यानेजमेण्ट टिमकी प्रतिनिधि विजेता लुईंटेलले खेलमा महिलाबाट प्रथम दोस्रो र तेस्रो तथा पुरुषबाट पहिलो, दोस्रो र तेस्रो गरी ६ वटा टिमलाई उत्कृष्ट घोषित गरी पुरस्कार दिने बताए।

उनले प्रथम हुनेलाई ५०, दोस्रोलाई ४० र तेस्रो हुनेलाई ३० हजार रुपैयाँ पुरस्कारको व्यवस्था गरिएको बताए । विजेतालाई मेडल र ट्रफीसहित सम्मान गरिने तथा मस्ट भ्यालुएबल प्लेयर र बेस्ट स्कोररलाई पनि सम्मान गरिने भएको छ।

खेलमा १५ टिमले प्रतिष्पर्धा गर्ने र सातै प्रदेशको सहभागिता रहने भएको छ । महिलाको ६ वटा मात्रै टिम रहेको र मधेस प्रदेशबाट सहभागी नरहेको जानकारी पत्रकार सम्मेलनमा दिइएको छ।

पुरुषबाट सात प्रदेशका सात टिम र दुई विभागीय नेपाल आर्मी र नेपाल सशस्त्र प्रहरी गरी १५ वटा टिमले सहभागी रहनेछन्।

शारीरिक अशक्तता भएकाहरुलाई प्रोत्साहनस्वरुप यो कार्यक्रम गर्न लागिएको आयोजकले जनाएका छन्। खेलको बजेट अनुमानित ६२ लाख रहेको छ।

—न्युज एजेन्सी नेपाल



प्रतिक्रिया दिनुहोस !