कर्णाली प्रदेश स्तरीय कांग्रेस भेला आजदेखि सुर्खेतमा, सभापति थापाले उद्घाटन गर्ने
प्रकाशित मिति : 11 May, 2026 10:10 am
काठमाडाैँ । नेपाली कांग्रेसका सभापति गगन कुमार थापा नेतृत्वको नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानद्वारा आयोजित कर्णाली प्रदेश स्तरीय दुई दिने भेला आजदेखि सुर्खेतमा सुरु हुँदैछ ।
प्रतिष्ठानका अनुसार आज र भोलि सञ्चालन हुने उक्त भेलाको उद्घाटन नेपाली कांग्रेसका सभापति गगन कुमार थापाले गर्ने कार्यक्रम तय गरिएको छ । भेला आज साढे १२ बजेपछि सुरु हुने जनाइएको छ ।
भेलामा कर्णाली प्रदेशका विभिन्न जिल्लाबाट पार्टीका नेता तथा कार्यकर्ताको सहभागिता रहने बताइएको छ । कार्यक्रममा पार्टीको नीति, संगठन सुदृढीकरण, प्रशिक्षण तथा समसामयिक राजनीतिक विषयमा छलफल हुने अपेक्षा गरिएको छ ।
