बुटवल उपमहानगरपालिकालाई सडक मानवमुक्त सहर घोषणा
प्रकाशित मिति : 21 December, 2019 6:37 pm
![](https://i0.wp.com/www.lumbinisanchar.com/wp-content/uploads/2019/12/IMG_20191221_122929-800x500-1.jpg?fit=800%2C500&ssl=1)
बुटवल, पुस ५ । बुटवल उपमहानगर सहयोगपेक्षी सडकआश्रीत मानवमुक्त नगरको रुपमा घोषणा भएको छ ।
बेसाहारा, अभिभावकबिहिन, सहयोगापेक्षी सडकआश्रीत मानव व्यवस्थापन गर्ने उद्देश्यले सरोकारवालाहरुविच समन्वय, सहकार्य र साझेदारी भएपछि शनिबार एक समारोहकाबीच उपमहानगरपालिकालाई सडक मानवमुक्त सहर घोषणा भएको हो ।
नगरपालिकाको कार्यालय परिसरमा गरिएको समारोहमा बोल्दै नगरपालिकाका प्रमुख शिवराज सुवेदीले बुटवललाई अब मानवीय सभ्यताको सहरको रुपमा चिनाउने महाअभियान सुरु भएको भन्दै सबैलाई होस्टेमा हैसे मिलाउदै अगाडी बढ्न आग्रह गर्नुभयो । उहाँले बुटवलमा जस्तासुकै दुखी गरिब आएपनी नाना, छाना र खानाबिना मर्नु नपर्ने र त्यसको ग्यारेन्टी नगरपालिकाले गर्ने भन्दै सबै नगरबासिमा मानवीय भावना भएको देखाउने समय आएको समेत बताउनुभयो ।