आज सुनको मूल्य : एक लाख तीन हजार नौ सय
प्रकाशित मिति : 13 January, 2023 12:13 pm
काठमाडौं । नेपाली बजारमा आज शुक्रबार छापावाला सुनको मूल्य बढेको छ । नेपाल सुनचाँदी व्यवसायी महासंघको जानकारी अनुसार आज छापावाला सुनको मूल्य तोलाको ५०० रुपैयाँले बढेर एक लाख तीन हजार ९०० रुपैयाँमा कारोबार भइरहेको छ ।
महासंघका अनुसार आज तेजावी सुन तोलाको एक लाख तीन हजार ४०० रुपैयाँ रहेको छ ।
त्यस्तै आज चाँदीको मूल्यमा पनि सामान्य वृद्धि भएको छ । महासंघको विवरणमा आज चाँदी प्रतितोला ५ रुपैयाँले बढेर तोलाको १३६५ रुपैयाँमा कारोबार भइरहेको छ ।
