२० अंकले घट्यो नेप्से परिसूचक
काठमाडौं । साताको कारोबारको पहिलो दिन सेयरबजार ओरालो लागेको छ ।
नेपाल स्टक एक्सचेन्जका अनुसार आइतबार सेयर मापक सूचक नेप्से परिसूचक २० अंकले घटेर १८८८.५५ अंकमा पुगेको छ । त्यस्तै राम्रा र बलिया कम्पनीको सूचक सेन्सेटिभ परिसूचक ३.७२ अंकले घटेर ३५५.७५ अंकमा पुगेको छ ।
आज नेप्सेमा कारोबार भएका कुल १३ उपसमुहमध्ये सबै उपसमुहको सेयर घटेको छ ।
आइतबार नेप्सेमा कारोबार रकमका आधारमा एनआइसी एसिया बैंक अग्रस्थानमा रहेको छ । बैंकको ५ करोड ५ लाख ६२ हजार ४ सय ८५ रुपैयाँको कारोबार भएको छ ।
आजको दिन नेप्सेमा कालिन्चोक दर्शन लिमिटेडका लगानीकर्ताले सबैभन्दा धेरै कमाएका छन् । कम्पनीको सेयरमूल्य ९.९६ प्रतिशतले बढेको छ ।
त्यस्तै आजको दिन स्वाभिमान लघुवित्त वित्तीय संस्थाका लगानीकर्ताले सबैभन्दा धेरै गुमाएका छन् । कम्पनीको सेयरमूल्य ९.६१ प्रतिशतले घटेको छ ।
कुल २६० कम्पनीको ३७ लाख ८७ हजार २ सय ४१ कित्ता सेयर किनबेच हुँदा १ अर्ब २० करोड ७१ लाख २२ हजार ६ सय रुपैयाँको कारोबार भएको छ ।
