आजदेखि हरेक मंगलबार भैरहवाबाट हङकङ र नयाँदिल्ली उडान हुने
प्रकाशित मिति : 29 August, 2023 9:55 am
काठमाडौँ । नेपाल वायुसेवा निगमले आजबाट भैरहवास्थित गौतम बुद्ध अन्तर्राष्ट्रिय विमानस्थलबाट पनि हङकङ तथा दिल्ली उडान गर्ने भएको छ।
भैरहवास्थित गौतम बुद्ध अन्तर्राष्ट्रिय विमानस्थलबाट काठमाडौंलाई ट्रान्जिट बनाएर हङकङ र दिल्लीमा नियमित उडान गर्न लागेको निगमले जनाएको छ।
उडान तालिकाअनुसार आज बिहान ८ः१५ मा भैरहवाबाट उडेको जहाज ९ः०० बजे काठमाडौँमा अवतरण गर्नेछ। ११ बजे निगमको हङकङ उडान र दिउँसो १ बजे दिल्ली उडानमार्फत यात्रुलाई गन्तव्य देशमा पठाइनेछ ।
आजदेखि हरेक मङ्गलवार एक उडानबाट सेवा सुरु गरेर यसको सुरुवात गरिएको छ । विस्तारै मागको आधारमा उडानको संख्या थप्दै लगिने निगमलृ जनाएको छ ।