१ हजारले बढेर प्रतितोला ९४ हजार रुपैयाँ पुग्यो सुन
प्रकाशित मिति : 17 December, 2021 11:09 am
काठमाडौं। नेपाली बजारमा यो साताको अन्तिम कारोबारमा सुनको मूल्य १ हजारले बढेको छ । हिजो बिहिबार ७ सयले बढेर ९३ हजारमा कारोबार भएको छापावाला सुन आज १ हजारले बढेर तोलाको ९४ हजारमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्त आज तेजावी सुनको मूल्य प्रतितोला ९३ हजार ५ सय कायम रहेको छ ।
शुक्रबार चाँदीको मूल्य पनि उकालो लागेको छ । बिहिबार १२३५ रुपैयाँमा कारोबार भएको चाँदी प्रतितोला १५ रुपैयाँले बढेर तोलाको १२५०मा कारोबारका लागि मूल्य निर्धारण गरिएको महासंघले जनाएको छ । बिहिबार चाँदी २५ रुपैयाँ थियो बढेको ।
