रुपन्देहीमा ३ हजार रुपैयाँ घुस लिएको आरोपमा वडा सचिव पक्राउ
प्रकाशित मिति : 17 December, 2021 3:01 pm
काठमाडौं । रुपन्देहीको सिद्धार्थनगर नगरपालिका वडा नं. ४ को कार्यालयका वडा सचिव मोहम्मद सिद्धिक घुस रकमसहित पक्राउ परेका छन् ।
विवाह दर्तामा सहजिकरण गरिदिने भन्दै सेवाग्राहीसँग ३ हजार रुपैयाँ घुस रकमसहित पक्राउ परेका हुन् । उनलाई अख्तियार दुरुपयोग अनुसन्धान आयोगको कार्यालय, बुटवलको टोलीले पक्राउ गरेको हो ।
घुस लिइसकेको अवस्थामा कार्यालयबाटै पक्राउ परेका वडा सचिव सिद्धिकमाथि अनुसन्धान भइरहेको अयोगले जनाएको छ ।
